Televizioni është burimi primar i lajmeve, qytetarët nuk lexojnë shtypin e ditës, kurse në internet më shumë informohen nga Fejsbuku, tregojnë hulumtimet e realizuara nga Qendra për Hulumtime Anketuese të Institutit Republikan Ndërkombëtar (IRI). Në pyetjen a mendoni se ekziston lira e shprehjes, 51 për qind e qytetarëve janë përgjigjur se nuk ka, kurse 44% se ka. Televizioni është burimi kryesor për lajmet politike te 87% e qytetarëve, kurse 23% e anketueseve kanë vendosur për internetin, familjen dhe miqtë, për mediat e shkruara kanë vendosur 16%, kurse për radion vetëm 7%.
Sipas hulumtimeve, Alsat-M renditet i pari në rang të Maqedonisë, me 24%. Menjëherë pas Alsatit, vjen Sitel-i me 23%, ndërkaq me 13% TV Kanal5, pastaj 12 % më pak informacionet i marrin përmes “24 Vesti”.Përqindja më e ulët prej 10% e qytetarëve zhvillimet politike i mësojnë nga Telma.
Në pyetjen se cilën gazetë lexoni më shumë lajmet poltike, 63% janë përgjigjur se nuk lexojnë gazeta, kurse 9% e të anketuarve janë përgjigjur se lexojnë gazetën “Koha”, pastaj 7% “Dnevnik”, 6% “Vest” dhe 4 “Lajm” dhe “Sloboden Peçat”. Me 22% Fejsbuku është internet faqja më e vizituar nga qytetarët për informacione nga fusha e politikës, pas kësaj pason “Tajm”, në vend të tretë “Kurir” me 10% dhe në vendin e katërt është “Portalb” me 6%. Hulumtimet janë bërë nga qendra për hulumtime “Brima” nga 29 shtatori deri më 5 tetor të vitit 2015, nëpërmjet intervistave kokë më kokë, me 1.106 qytetarë.