Американскиот медиумски магнат Руперт Мардок на почетокот од 2016 година ќе му ја препушти функцијата извршен директор на конгломерат „Фокс“ (21 Сенчури фокс) на својот син Џејмс, објави денеска на порталот „Фокс њуз“.
Мардок (84) ќе остане претседател на групацијата, заедно со другиот син Леклен.
На чело на „Фокс њуз“ ќе остане сегашниот претседател Роџер Ајлс, кој директно му одговара на Руперт Мардок.
Мардок ја почна својата кариера пред повеќе од половина век во неговата родна Австралија, каде во наследство доби дневен весник, од кој настана медиумската империја „Њуз корп“. На британскиот пазар се проширил во 1969 година, со купување на неделникот „Њуз оф д ворлд“, а во 1985 година станува американски државјанин.
Акциите на „Фокс“ падна за 0,76 отсто по објавувањето на веста и сега изнесуваат 32,60 долари.
