fbpx

Престанете да сонувате за исфрлање на јагленот до 2030 година, вели германски министер

Во коалицискиот договор, германските социјалдемократи, Зелените и либералите се договорија за идеалната рамка за исфрлање на употребата на јагленот да се намали од првично предвидениот период 2038 на 2030 година

-

Германскиот министер за финансии Кристијан Линднер ја стави под знак прашалник способноста на Германија за фазно исфрлање на јагленот како енергетски извор до 2030 година, цел којашто беше поставена во договорот на владејачката германска коалиција пред две години, пишува германската новинска агенција ДПА.

„Сè додека не е јасно дека енергијата е достапна под пристапни услови, ние треба да престанеме со сонувањето за фазно исфрлање до 2030 година“, изјави министерот за интервју во германски весник во вторникот.

Во коалицискиот договор, германските социјалдемократи, Зелените и либералите се договорија за идеалната рамка за исфрлање на употребата на јагленот да се намали од првично предвидениот период 2038 на 2030 година.

Линднер бара Германија да се сконцентрира многу повеќе на домашните извори на природен гас, чие производство мора да се интензивира.

Истовремено, проширувањето на употребата на обновливата енергија мора да се направи што е можно побрзо.

Запрашан за тоа дали на Германија и се неопходни нови наоѓалишта на гас како алтернативна опција, овој либерален политичар вели дека допрва ќе се одговори на тоа прашање, но и додава оти прашањето е како да се дојде до тоа на ефикасно ниво во пазарна економија, а притоа сметките за струја да не растат во иднина.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

ЦУК: Спасен овчар и стотина негови овци, биле заглавени на остров на надојдената Црна Река

Центарот за управување со кризи соопшти дека е спасен овчар кој, заедно со неговите овци, ненадејно се нашол на речен остров, откако реката Црна надошла. „На Единствениот број за итни...