Познатата потеса Елена Пренџова престојува меѓу Македонците во Тирана. Меѓу другите, се сретна со претседателот на Македонско друштво „Илинден“ од Тирана, Никола Ѓурѓај и со потпретседателот Незир Меча.
Цел на престојот и на средбите со Македонците, вели Пренџова, е да се запознае со условите и со третманот на македонското национално малциство што живее во Албанија и особено во главниот град Тирана.
Поетесата Елена Пренџова е добитничка на степендија од „Традуки“ – „Тирана ин битвин“, партнер на Министерството за култура на Албанија и „Поетека“ од Тирана.
Македонците добија ветување дека нема да бидат заборавени и дека ќе бидат повторно посетени во најскоро време – вели претседателот на Македонско друштво „Илинден“ од Тирана, Никола Ѓурѓај.
Пренџова е родена 1985 година во Скопје. Авторка е на шест збирки поезија: „Јас“ (2006), „Таа“ (2009), „Пораки од морето“ (2011 – ја доби наградата „Бели мугри“), „Живот под ѕвездите“ (2013 – награда „Македонска книжевна авангарда“) , „Политички коректна поезија“ (2014) и „Љубољубна“ (2014 – награда „Караманов 2014“).
Приредувачка е на „Антологијата на младата македонска авангардна поезија“ (2012) и членка на консултантскиот тим за превод на првиот англиско-македонски „Хип-хоп речник“ (2008) на авторите Славчо, Александар и Емилија Ковилоски.
Уредничка е на книжевното списание „Современост“ и на театарското списание „Сум“.
Членка е на Друштвото на писателите на Македонија.
