Како дел од серијалот едукативни анимирани видеа „Со Народната банка во светот на финансиите“, којшто се изработува со поддршка од Европскиот фонд за Југоисточна Европа (ЕФСЕ), Народна банка на РСМ објави ново видео со препораки за безбедно користење услуги од електронско банкарство.
Предвидено е серијалот да содржи девет видеа со кои се обработуваат актуелни теми од доменот на финансиите коишто ги засегаат сите граѓани како активни субјекти во финансиските текови.
