Министерството за внатрешни работи во текот на вчерашниот ден продолжи со засилените акциски контроли во областа на сообраќајот. Само во текот на вчерашниот ден, на територијата на град Скопје изречени се вкупно 401 санкција, информираат од МВР.
Полицијата вчера казнила 24 лица кои возеле без возачка дозвола, а изречени се и 110 прекршоци за пречекорување на дозволената брзина на движење, како и 19 прекршоци за технички неисправни и нерегистрирани возила. Воедно санкционирани се 21 мотоциклисти.
Полициските службеници во изминатото деноноќие изрекле 120 мерки за непрописно паркирање, 82 возила се подигнати со пајак и напишани се 69 казни за неносење на заштитна маска.
Од МВР најавија дека ќе продолжат сообраќајните контролите и во наредните денови. До граѓаните апелираат да ги почитуваат сообраќајните правила и прописи со цел да се зголеми безбедноста во сообраќајот.