fbpx

Милошоски: Заев е уценет човек што се обиде да ги излаже граѓаните

-

Лидерот на СДСМ, Зоран Заев, е уценет човек, кој е согласен на сè само за да дојде на власт, иако СДСМ ги изгуби изборите, порача Антонио Милошоски попладнево на прес-конференција во седиштето на ВМРО-ДПМНЕ, а веднаш по прес-конференцијата на Заев на која лидерот на СДСМ ја презентираше владината програма на неговата партија.

– Господине Заев, престанете да го потценувате македонскиот граѓанин. Вие сте прочитана книга, вие сте аболиран криминалец, вие сте човек со лабилно мислење, кој во зависност од состојбата на денот ги менува своите политички ставови. Еднаш во Цирих, другпат на ТВ 21, третпат во седиштето на СДСМ. Доколку Вие сте убеден дека тиранската платформа треба да се отфрли, тогаш прифатете ја понудата на ВМРО-ДПМНЕ за малцинска влада, која би ја предводеле, но за која цена нема да плати Република Македонија на штета на нашите национални интереси – рече Милошоски.

Тој рече дека Зоран Заев денеска се обидел да ги излаже граѓаните, ја прочитал програмата на СДСМ и се скрил зад празните флоскули дека ќе се дискутирало во иднина за химната, за грбот, за знамето, но и дека за тоа ќе одлучувале експерти.

– Граѓаните на изборите не гласаа за експерти, тие гласаа за политичари, за кандидати за пратеници и за кандидати за премиер – рече Милошоски.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

(ВИДЕО) Болницата и куќите под вода, Тетово и овој пат неподготвено за невремето

Блокирани улици, автомобили со искршени стакла, поплавени подруми, уништени дрвја. Ова е билансот од вчерашните врнежи во Тетово, кои околу еден час беа придружувани со град. И додека граѓаните...