Домашните компании ќе се поврзуваат со странските инвеститори во ТИР-зоните преку проект кој Министерство за финансии го договорил со Меѓународната финансика корпорација (ИФЦ) за време на Пролетните средби на ММФ и Светска банка во Вашингтон.
Според министерот за финансии Драган Тевдовски, ИФЦ дале согласност да го поддржат овој проект, што ќе донесе многукратни придобивки за домашните компании. Преку поврзување со странските компании, домашните фирми добиваат работа, можност за пласман на нови пазари, како и пренесување на знаење.
Соработката помеѓу домашните и странски компании се уште е ниска и има голем потенцијал за искористување.
