fbpx

Македонските граѓани може да патуваат со лични карти за Босна и Херцеговина

Бојмацалиев потсети дека иста ваква пракса е воспоставена со Србија, Албанија и со Косово каде што се дозволува влез со лична карта со старото име на државата

-

Македонските граѓани може да патуваат со лични карти во Босна и Херцеговина, изјави денеска дополнителниот заменик-министер Митко Бојмацалиев. Тој денеска разговарал со министерот за безбедност на Босна и Херцеговина, Ненад Нешиќ, за патување во Босна и Херцеговина на граѓаните на Република Северна Македонија со лична карта.

„Разговаравме во насока на тоа во Босна и Херцеговина да може македонските граѓани да патуваат со лични карти со старото име, почитувајќи ја Спогодбата помеѓу Владата на Република Северна Македонија и Советот на министри на Босна и Херцеговина за условите за патување на државјаните на двете земји, потпишана во 2018 година“, рече тој.

Бојмацалиев го истакна значењето на градење мостови со пријателските земји, и рече дека оваа можност е во рамките на засилената соработката и унапредените односи помеѓу двете држави.

Потсети дека иста ваква пракса е воспоставена со Србија, Албанија и со Косово каде што се дозволува влез со лична карта со старото име на државата.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Лага е дека САД финансираат украински нацисти

Тврдењата дека САД финансирале украински нацисти, а Путин исправал некакви неправди во Украина и почнал операција за денацификација, се неточни и имаат за цел само да ја оправдаат руската воена агресија....