Комичарот Володимир Зеленски, познат по имитациите на досегашниот, Петро Порошенко, ќе биде следниот претседател на Украина, покажуваат резултатите од излезните анкети.

Според анкетите, тој има повеќе од 70 отсто поддршка. Доминираше во првиот круг на гласање пред три недели, кога на ливчето беа 39 кандидати.

Зеленски (41) му беше противкандидат на актуелниот претседател Петро Порошенко, кој во политиката влезе како индустријалец, а сега изгледа пак ќе се врати во бизнисот. Сепак, за разлика од претходните две децении во Украина, не станува збор за смена на анти-руски со проруски ориентиран кандидати, оти и Порошенко и Зеленски се цврсти заговорници за спротивставување на Русија и за поддршка на украинска националност.

Порошенко призна дека изгубил, но рече дека нема да ја напушти политиката.

Претседателот на Украина има значајни овластувања во врска со безбедноста, одбраната и надворешната политика на земјата.