fbpx

Јанева дојде на распитот пред Советот на јавни обвинители

-

Специјалната обвинителка, Катица Јанева, денеска се појави пред Советот на јавни обвинители каде е закажана седница за нејзината досегашна работа.

Засега никој не информира дали по состанокот ќе има изјави за јавноста.

Јанева, според најавите, треба да даде свое појаснување во враска со разрешувањето на двете обвинителки од нејзиниот тим, Лејла Кадриу и Марија Ѓорѓева, а можно е да стане збор и за кривичните пријави поднесени против тројца обвинители од Специјалното јавно обвинителство.

Двете обвинителки минатата недела дадоа изјави пред тричлената комисија на Советот, која треба да го расчисти случајот, а Кадриу по сослушувањето рече дека само Јанева знае зошто тие се отстранети од тимот.

Од кабинетот на Јанева, пак, велат дека обвинителките се разрешени поради обемот на работа, за кој на Специјалното јавно обвинителство му биле потребни 10 обвинители.

Скопското јавно обвинителство викендов потврди дека е поднесена кривична пријава против тројца обвинители од Специјалното јавно обвинителство и против неколку непознати лица за малтретирање при вршење на службата, кривично дело казниво по член 143 од Кривичниот закон.

Од Специјалното јавно обвинителство за медиумите соопштија дека за кривичните пријави дознале токму од медиумите и дека се сомневаат оти некој се обидува да им наштети.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Собранието ги изгласа измените на Законот за извршување на санкциите

Со 78 гласа „за“, Собранието денеска го изгласа Предлог-законот за изменување и дополнување на Законот за извршување на санкциите. Од Министерството за правда соопштија дека Законот има за цел решавање...