fbpx

Беџети: Расправата за буџетот е само еден лош театар

-

Денеска е во тек третата собраниска расправа за дополнителниот предлог-буџет, на која пратениците меѓу себе се расправаат за тоа што направила власта, а што опозицијата, а најмалку дебатираат за ставките во буџетот што ги засегаат граѓаните и од кои зависи економскиот просперитет на државата.

Пратениците од собраниските говорници признаа дека јавноста е сведок на лош театар. Опозицијата ја обвинува власта дека премиерот Никола Груевски ги осиромашува граѓаните, на сметка на неговото богатење. Власта, пак, прави споредби што направил СДСМ во свое време, а што направиле тие.

Професорот и поранешен министер за економија, Абдулменаф Беџети, вели дека не ја следи расправата за буџетот заради професионални обврски, но и, како што вели, „што ново ќе кажат“ пратениците.

– На работа сум и не можам да ја следам расправата. Но, што ново ќе добиеме како информација. Секоја година е исто и ова што таму се случува не е првпат. Сè е само еден лош театар – изјави Беџети.

Расправата за дополнителниот предлог-буџет може да трае најмногу пет дена, по што пратениците ќе гласаат.

Опозицијата кажа дека нема да даде поддршка бидјеќи, според нејзините пратеници, буџетот е расипнички, недомаќински, нереален и неразвоен.

Власта, пак, смета дека со тоа што СДСМ нема да гласа за буџетот, е против изградба на фабрики, против намалување на невработеноста, против проекти на Владата за вработувања, против зголемување пензии и социјални надоместоци.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Камерите кои треба да ловат сообраќајни прекршоци не се во функција

Камерите кои се поставуваат на скопските сообраќајници, а кои се дел од проектот „Безбеден град“ сè уште не се во функција. Објавата што ја анализираме манипулира и непотребно крева...