Вчера во охридската полиција било пријавено дека Д.М. од селото Лешани, Општина Дебрца, додека возел автомобил по булеварот „Македонски просветители“ во Охрид, удрил во мотоцикл што го управувал 47-годишниот Љ.Ѓ. од Охрид, соопштија од СВР Охрид.
Веднаш по сообраќајната несреќа, Д.М. заедно со уште две лица од селата Косел и Лешани, физички го нападнале мотоциклистот и му нанеле тешки телесни повреди, констатирани во Општата болница во Охрид.
Истиот ден, само дваесет минути подоцна, на кејот „Македонија“ во Охрид, 47-годишниот претепан мотоциклист физички го нападнал својот сограѓанин К.Б. (35).
СВР Охрид најави соодветни пријави за двата поврзани случаја.
