ВМРО-ДПМНЕ во денешното соопштение наведува дека СДСМ поднесува неосновани пријави. „СДСМ треба да знае дека со правдата и со вистината нема пазарење“, велат од ВМРО-ДПМНЕ. Оваа реакција пристигна откако заменик-претседателката на СДСМ, Радмила Шекеринска, поднесе 21 кривична пријава за криминал при избори.
„Денешната изјава на Радмила Шекеринска и кривичните пријави се проѕирен обид за пазарење и за дефокусирање на јавноста од суштинските прашања, а тоа е обидот на СДСМ, заради гола борба за власт, да испорача услуга на странски центри кои не ѝ мислат добро на Македонија. Повторуваме, пазарење со правдата и со вистината нема и не може да има“, се вели во реакцијата од владејачката партија.
