!На 1 февруари 2017 година, заврши промотивниот период на слободно користење на содржините на „Мета“. Во периодот што претстои го воведуваме новиот систем за пристап и за претплата. За начинот на пристап и за претплатата ќе информираме дополнително

СЈО ги проверува тендерите во Клиничката болница во Битола


Битола, 19 мај, 2017 - 18:13 (META) 

Обвинители од Специјалното јавно обвинителство (СЈО) вчера влегле во Клиничката болница во Битола, за да приберат подетални информации за дел од тендерите распишани во изминатите години, потврди за „Мета“ директорот на болницата, Василе Најдовски.

– Обвинители на СЈО дојдоа во билницата да приберат документација за дел од тендерите распишани од Министерството за здравство. Ги пречекавме, разменивме телефони и им помогнавме за сè што им треба – вели Најдовски.

Тој ги негира информациите дека управата на болницата неколку часа не ги примала обвинителите и вели дека напротив се било коректно.

-Не е точно дека сме се криеле од обвинителите, се им ставаме на располагање, тие не влегоа само кај нас туку во неколку болница во државата – вели Најдовски.

Од СЈО, повикувајќи се на тајноста на предистражните и на истражните постапки што ги водат, денеска не сакаа да ја потврдат, но ниту ја демантираа информацијата дека нивни обвинители биле во Клиничката болница во Битола.


Канческа-Милевска: Обвинувањата на СЈО се „рекла-кажала“, сè е чисто како солза


Скопје, 20 октомври, 2016 - 16:46 (META) 

Министерката за култура, Елизабета Канческа-Милевска, денеска на прес-конференција, која се одржа веднаш по прес-конференцијата на Специјалното јавно обвинителство, од Музејот на македонската борба порача дека информациите што ги пласирало СЈО биле „трач муабети“ и рекла-кажала“.

– Сите инфрормации што денеска ги објави СЈО се паушални и немаат никаква врска со вистината. СЈО пред два дена ја доби целата документација и не направиле никаква анализа на документите. Сакам да кажам дека Музејот на македонската борба е проект на кој сум исклучително горда и жално е што нашата благородна идеја за еден ваков проект се става во заложништво на политички маркетинг, кој е во функција на предизборието. Денешната прес-конференција е очигледно дел од однапред подготвено сценарио, кое има цел да го оцрни работењето на Министерството. Тоа нема да го дозволам, бидејќи сите вработени во него чесно и посветено си ја вршеле својата работа. Сè е невистинито и измислено и одговорно ги отфрлам во целост обвинувањата, со кои СЈО сака да стави дамка врз моето работење и врз работењето на другите вработени во Министерството за култура – рече Канчевска-Милеска, која во текот на прес-конференцијата покажуваше и цитираше документи кои, според неа, ја докажуваат легитимноста на секоја етапа од изградбата на објектот.

Канческа-Милевска истакна дека набавката за која СЈО обвинува, не се однесува за изградба на Музејот, туку за партерно уредување. Таа рече дека транспарентноста е целосно испочитувана и дека не е повреден Законот за јавни набавки.

Министерката додаде дека целиот проект е законски направен и дека сите предмети се „чисти како солза“ од првиот до последниот документ.

Канческа-Милевска ги повика новинарите да направат увид во целосната документација за случајот.