!На 1 февруари 2017 година, заврши промотивниот период на слободно користење на содржините на „Мета“. Во периодот што претстои го воведуваме новиот систем за пристап и за претплата. За начинот на пристап и за претплатата ќе информираме дополнително

Исчезна 15-годишен штитеник од Детско село


Скопје, 2 јануари, 2017 - 13:40 (META) 

Петнаесетгодишен штитеник од СОС Детско село исчезнал завчера, соопшти полицијата.

„Вчера, во 1 часот, во полициската станица Чаир, социјален работник од Програмата за грижа на млади СОС Детско село во Скопје, пријави дека на 31 декември, околу 20 часот, петнаесетгодишник ја напуштил установата и не се вратил“, информираат од МВР.

Од полицијата соопштуваат дека се преземаат мерки за пронаоѓање на исчезнатото лице.


Исчезнал штитетник од ЈУСЗ Демир Капија


Неготино, 5 јуни, 2015 - 13:49 (META) 

Од Јавната установа – специјален завод за лица со посебни потреби Демир Капија, вчера во полициската станица Неготино, било пријавено дека истиот ден од установата во непознат правец се оддалечил нивниот штитеник С.И. (52), од кумановското село Младо Нагоричане, соопшти полицијата.

Оттаму информираат дека се преземаат мерки за пронаоѓање на лицето.


Штитеник во воспитно-поправен дом се обидел да убие лекар


Велес, 27 јануари, 2015 - 12:05 (META) 

Основното јавното обивнителство Велес поднело барање до судијата за малолетници во велешкиот Основен суд за поведување постапка за обид за убиство, за кој е осомничен штитеник на Воспитно-поправниот дом Тетово, против кој веќе се води постапка за силување друг штитеник, соопштија од јавното обвинителство.

Малолетникот во неделата се обидел да го нападне домскиот лекар, а потоа со нож му се заканувал дека ќе го убие.

– На 25 јануари, малолетникот побарал да биде однесен на лекарски преглед кај домскиот лекар поради главоболка. Во лекарската соба тој најпрвин со дрзок и висок тон се обратил кон лекарот, потоа ја турнал масата меѓу нив и се обидел да го удри, во што го спречиле двајца надзорници. Подоцна, од трпезаријата, 16-годишникот зел два ножа и повторно влегол во лекарската соба, вербално заканувајќи му се на лекарот дека ќе го убие. Притоа, повторно го спречиле присутните надзорници – стои во писменото соопштение од јавното обвинителство.

Осомничениот малолетник, во текот на издржувањето на воспитната казна, сторил повеќе кривични дела, а меѓу нив и силување друг штитеник на домот. За непријавувањето на ова кривично дело, обвинителството поведе постапка и против заповедникот во Воспитно-поправниот дом.

Од велешкото обивнителство побарале судот на малолетникот да му определи мерка притвор.