!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Македонска радио-телевизија минимално го намали долгот кон УЈП


Скопје, 11 јануари, 2018 - 13:39 (META) 

Според најновата листа на Управата за јавни приходи (УЈП), Јавниот радиодифузен сервис – Македонската радио-телевизија (МРТ), вкупно должи 130.768.590 денари (2.126.318 евра) неплатена сума за даноци, од кои по основ на данок на додадена вредност (ДДВ) не се платени 24.408.176 денари (396.881 евра).

Во однос на претходната листа на УЈП, објавена на 7 декември, долгот на МРТ кон УЈП е намален за 1.667.535 денари (27.114 евра). На претходната листа на должници на УЈП, вкупниот долг на МРТ кон УЈП изнесува 132.436.125 денари (2.153.433 евра), или 26.862.255 (436.784 евра) по основ на ДДВ.

На најновата листа на должници на УЈП, се наоѓа и Македонска радиодифузија (МРД) со неплатен долг од 27.327.792 денари (444.354 евра).

Најголемиот дел од буџетот на Министерството за информатичко општество и администрација (МИОА) во 2018 година, односно 19,29 милиони евра, ќе се потроши за Македонската радио-телевизија (МРТ), Македонска радиодифузија (МРД) и за Агенцијата за аудио и аудиовизуелни медиумски услуги (ААВМУ), посочи во средата министерот Дамјан Манчевски, презентирајќи го буџетот за следната година.

foom-logo-disklejmerТекстот е изработен во рамки на проектот „Опсерваторија на медиумските реформи“, што го спроведуваат Фондацијата за интернет и општество „Метаморфозис“, „Агора“ Центар за промовирање на граѓански вредности и Платформата за истражувачко новинарство и анализи (ПИНА), со финансиска поддршка на „Фондацијата Отворено општество – Македонија“.
Содржината на текстот е единствена одговорност на авторите и на ниту еден начин не може да се смета дека ги одразува гледиштата на „Фондацијата Отворено општество – Македонија“.


УЈП објави нова листа на должници, прва годинава


Скопје, 11 јануари, 2018 - 10:31 (META) 

Управата за јавни приходи (УЈП) ја објави првата листа на должници за оваа година на која се најдоа вкупно 3.964 физички и правни лица.

Нивните долгови се доспеани до 30 септември и неплатени до 31 декември лани, а се по основ на данок на додадена вредност (ДДВ), данок на добивка, персонален данок на доход, придонеси за задолжително социјално осигурување, акцизи и царини.

Кај физичките лица и самостојни вршители на дејност, долгот надминува 120.000 денари, додека кај правните лица тој износ е повеќе од 300.000 денари.


МРТ и понатаму на врвот на листата на должници кон УЈП


Скопје, 10 декември, 2017 - 14:52 (META) 

Јавниот радиодифузен сервис – Македонската радио-телевизија (МРТ) – повторно е на врвот на листата на должници кон Управата за јавни приходи (УЈП).

Во најновиот список на должници кон УЈП, за побарувањата доспеани до 31 август, а неплатени до 30 ноември годинава, е наведено дека МРТ должи 105.573.870 денари (1,712 милиони евра) за данок на добивка, како и 26.862.255 денари (435.720 евра) за ДДВ. Со тоа јавниот радиодифузен сервис ја продолжува неславната традиција да се најде на секоја листа на УЈП во изминативе години, иако раководството на МРТ вели дека презадолженоста е предизвикана во еден дел и од фактот што УЈП не ги исплатила парите собрани за радиодифузна такса.

Во соопштение за јавноста од почетокот на минатиот месец, МРТ извести дека долговите кон различни доверители изнесуваат 19,5 милиони евра, но порача и дека враќањето на долговите и нормалното работење на куќата се попречени од вкупниот долг на Управата за јавни приходи кон МРТ кој изнесува 34 милиони евра.

Најголемиот дел од буџетот на Министерството за информатичко општество и администрација (МИОА) во 2018 година, односно 19,29 милиони евра, ќе се потроши за „Македонската радио-телевизија“ (МРТ), Македонска радиодифузија (МРД) и за Агенцијата за аудио и аудиовизуелни медиумски услуги (ААВМУ), посочи во средата министерот Дамјан Манчевски, презентирајќи го буџетот за следната година.

foom-logo-disklejmerТекстот е изработен во рамки на проектот „Опсерваторија на медиумските реформи“, што го спроведуваат Фондацијата за интернет и општество „Метаморфозис“, „Агора“ Центар за промовирање на граѓански вредности и Платформата за истражувачко новинарство и анализи (ПИНА), со финансиска поддршка на „Фондацијата Отворено општество – Македонија“.
Содржината на текстот е единствена одговорност на авторите и на ниту еден начин не може да се смета дека ги одразува гледиштата на „Фондацијата Отворено општество – Македонија“.


УЈП ја објави најновата листа на должници


Скопје, 8 декември, 2017 - 16:29 (META) 

Управата за јавни приходи (УЈП) ја објави најновата листа на должници за долгови доспеани до 31 август и неплатени до 30 ноември врз основа на данок на додадена вредност (ДДВ), данок на добивка, персонален данок на доход, придонеси од задолжително социјално осигурување, акцизи и царини, за кои вкупниот износ на долгот е повисок од 120.000 денари за физичките лица и самостојни вршители на дејност и повисок од 300.000 денари за правните лица.

На листата се наоѓаат повеќе од 4.000 должници, а помеѓу најголемите должници, како и во претходните листи на УЈП, се и „Македонската радио-телевизија“ (МТВ), „МЖ – Инфраструктура“ и повеќе јавни претпријатија.


УЈП објави нова листа на должници


Скопје, 11 август, 2017 - 12:16 (META) 

Управата за јавни приходи (УЈП) објави нова листа на должници за долгови доспеани до 31 април и неплатени до 31 јули, на основа на данок на додадена вредност, данок на добивка, персонален данок на доход, придонеси од задолжително социјално осигурување, акцизи и царини, за кои вкупниот износ е повисок од 120.000 денари за физичките лица и за самостојни вршители на дејност и повисок од 300.000 денари за правните лица.

На листата има повеќе од 4.000 должници, меѓу кои има државни компании, но и познати бизнисмени и приватни компании.


УЈП објави нова листа на должници


Скопје, 13 јуни, 2017 - 11:52 (META) 

Управата за јавни приходи (УЈП) ја објави најновата листа на должници за долгови доспеани до 28 февруари и неплатени до 31 мај, врз основа на неплатени данок на додадена вредност (ДДВ), данок на добивка, персонален данок на доход, придонеси од задолжително социјално осигурување, акцизи и царини.

На листата има повеќе од 4.000 должници, меѓу кои има државни и приватни компании, но и бизнисмени и физички лица.

Јавното претпријатие „Македонија пат“ должи околу 7,4 милони евра за неплатен данок на добивка и за ДДВ.

Од бизнисмените најмногу пари должи „тутунскиот бос“, Бајруш Еврзија Сејдиу од Куманово, кој има 1,8 милиони евра неплатен данок.

Тој во 2010 и во 2011 година беше осуден на вкупно 17 години затвор, односно пет години затвор за случајот „Пепел“ и 12 години затвор за случајот „Пепел 2“, за перење пари, насилство, фалсификување цигари, неплаќање акцизи и за злосторничко здружување.


УЈП ја објави новата листа на должници


Скопје, 11 мај, 2017 - 10:53 (META) 

Управата за јавни приходи (УЈП) ја објави петтата листа на должници за долгови доспеани до 31 јануари и за неплатени долгови до 30 април врз основа на данок на додадена вредност (ДДВ), данок на добивка, персонален данок на доход, придонеси од задолжително социјално осигурување, акцизи и царини.

На листата се компании, јавни претпријатија и физички лица.

„Македонија пат“ е едно од јавните претпријатија што за неплатен данок на добивка и за ДДВ должи околу седум милиони евра.


УЈП ја објави новата листа на даночни должници


Скопје, 11 април, 2017 - 10:51 (META) 

Управата за јавни приходи (УЈП) ја објави новата листа на должници на која се наоѓаат 4.251 фирма и физички лица кои имаат долгови доспеани до 31 декември 2016 година и неплатени до 31 март 2017 година врз основа на данок на додадена вредност (ДДВ), данок на добивка, персонален данок на доход, придонеси од задолжително социјално осигурување, акцизи и царини.

Најголем должник на листата со 11,1 милиони евра е охридски „Отекс“, кој не платил данок на додадена вредност и данок на добивка.

На листата се и голем број јавни претпријатија, како, на пример, „Македонија пат“ кое должи околу осум милиони евра.

„Македонската радио-телевизија“ должи 1,4 милиони евра.


УЈП ја објави новата листа на должници


Скопје, 14 декември, 2016 - 15:02 (META) 

Управата за јавни приходи ја објави најновата 12. листа на должници, на која се наоѓаат вкупно 4.570 компании и граѓани.

Станува збор за субјекти кои должат за данок на додадена вредност, данок на добивка, персонален данок на доход, продонеси од задолжително социјално осигурување, акцизи и царини.

На списокот се оние кои имаат долгови доспеани за плаќање до 31 август, а се неплатени до 30 ноември.

На листата се објавени имиња на физички лица и самостојни вршители на дејност чиј долг е повисок од 120.000 денари и на правни лица за долг повисок од 300.000 денари.


Повеќе од 4.000 компании и граѓани на новата листа на должници на УЈП


Скопје, 12 септември, 2016 - 10:47 (META) 

Повеќе од 4.000 компании, меѓу кои државни и приватни претпријатија, како и граѓани, се најдоа на новата листа на должници на Управата за јавни приходи (УЈП) објавена на нејзината веб-страница.

Новата листа на должници бр. 08/2016 е за долгови доспеани до 31 мај и непелатени до 31 август врз основа на данок на додадена вредност, данок на добивка, персонален данок на доход, придонеси за задолжително осигурување, акцизи и царини.

Износот на долговите на должниците е повисок од 120.000 денари за физичките лица и за самостојни вршители на дејност и повисок од 300.000 денари за правните лица.