Министерството за внатрешни работи во текот на вчерашниот ден издало потврди за искажана намера за барање азил на вкупно 132 мигранти. Од нив, според државјанството, 126 лица се со потекло од Сирија, а шест се ирачки државјани.
Според МВР, од мигрантите на кои вчера им биле издадени потврди, 34 се мажи, 33 жени, а 65 се деца што го придружуваат носителот на потврдата.
Од почетокот на оваа година, заклучно со вчера, низ земјава транзитирале 89.623 странски државјани на кои им биле издадени вакви документи.