Околу 300 до 500 луѓе се собрани во паркот „Жена-борец“ и околу Порта „Македонија“ по повикот кој се појави на социјалните мрежи по акцијата „Пуч“ на МВР, во која претседателот на СДСМ, Зоран Заев, е осомничен за обид за недемократско преземање на власта.
Нема тарнспаренти, нема знамиња, нема бина, а само повремено се слушаат извици „уа, Заев“.
Улицата пред Собранието не е блокирана, а насобраните на прашањето зошто се собрани, велат дека се дојдени да искажат револт против домашните предавници.
Групата трна накај седиштето на СДСМ, но специјалните полициски сили ги блокираа на крстосницата на улицата Јордан Мијалков.
Пред седиштето на опозициската партија, исто така, се насобрани луѓе и се очекува да има обраќање на некој од раководството на СДСМ.
