Pushteti luftoi me gjitha fuqitë për komunën Qendër për shkak të interesave personale të Gruevskit, tha në konferencën e sotme për shtyp, kryetari i komunës Qendër, Andrej Zhernovski.
-Tërë atë që e thash në periudhën para- zgjedhore dhe pasi jam zgjedhur si kryetar komune është e vërtetë! Me këtë u dëshmua se protestat dhe tërbimet në qershor të vitit 2013, të të ashtuquajturve “besimtarëve” dhe organizatës joqeveritare të pa-ekzistuar “Veritas”, kanë qenë të organizuar dhe porositur dhe se fare nuk bëhej fjalë për mbrojtje kishe, por për mbrojtjen e interesit personal, siç u pa, të vet kryeministrit- tha Zhernovski.
Zhernovski shtoi se tanimë është e qartë pse janë zbatuar të dyja planet e detajuara urbanistike që u votuan me numër të njëjtë të votave “për” dhe “kundër”.
-Kjo është e paparë në shtetet demokratike dhe për këtë vendimin e kemi ankimuar në Gjykatë kushtetuese. Për fat të keq, gjykatësit kushtetues nuk ngritën nismë për kushtetutshmërinë dhe ligjshmërinë, përveç gjykatësja Natasha Damjanovska- Gaber, e cila kishte mendimin e saj individual- deklaroi Zhernovski.
