Zoran Zaev, lideri i LSDM-së, në konferencën e sotme për shtyp ku e publikoi “bombën e 32““,duke u përgjigjur në pyetje nga gazetarët, theksoi se 4600 qytetarë duan të bëjnë kamping të dielën në rrugë.
Zaev shtoi se pushteti bën obstruksione për prishjen e protestës, por vlerësoi se LSDM nuk do ta lejoj këtë dhe se protesta të dielën do të mbahet.
“Transportuesit me të cilët po merremi vesh, për shkak të presionit i anulojnë shërbimet e tyre, por ne do të gjejmë zgjidhje, nëse ka nevojë njerëzit do t’i sjellim me kamion, eskavator apo traktorë ndërsa organizohemi që një pjesë të vijë me tren. LSDM do të bëj çmos që protesta të kaloj në atmosferë të qetë, deklaroi Zaev.
Ai apeloi deri tek Nikolla Gruevski që mos të tentoj të pengoj protestën sepse nuk do të arrijë.
