fbpx

PSP hap hetime për “Soncev Grad” dhe tenderët e Ministrisë së kulturës

-

Prokuroria Speciale Publike (PSP) sot ka zbuluar dy hetime të reja nën emrat e koduar “Toplik” dhe “Tenderët”.

Hetimi për lëndën “Toplik” ka të bëjë me ndërtimin e qytetit Soncev Grad, për të cilën për shkak të mungesave që janë paraqitur gjatë lidhjes së kontratës për ndërtimin e tij, buxheti është dëmtuar për rreth 1 milionë euro.

Për këtë rast, sipas PSP-së ekziston dyshim i bazuar se person udhëheqës në Ministrin e transportit dhe anëtar i Komisionit për ankand publik nga e njëjta ministri ka keqpërdorur pozitën zyrtare.

“I dyshuari i parë në këtë rast është person udhëheqës nga Ministria e transportit, i cili së bashku me pesë anëtarë të Komisionit për ankand publik kanë dëmtuar buxhetin për 1.044.000 euro. Ekziston dyshim i bazuar se edhe pse komisioni fillestar që ka qenë në Ministri ka dhënë mendim se ekzistojnë mungesa për lidhjen e kontratës për shitjen e tokës shtetërore Soncev Grad, megjithatë është formuar komisioni tjetër. I njëjti ka shpallur konkurs për ankand publik për tjetërsimin e tokës ndërtimore në gazetat ditore, pas çka është lidhur kontratë me kompaninë “San Siti”. Pasi kjo kompani ka vërejtur se nuk ka kushte për ndërtimin e Soncev Grad, “San Siti” ka shkëputur kontratën me Ministrinë dhe ka kërkuar t’u paguat kamatë prej rreth 1 milionë euro, me çka drejtpërdrejtë është dëmtuar buxheti”, njofton prokurorja Fatime Fetai.

Lënda e dytë “Tenderë” ka të bëjë me lidhjen e kontratave mes Ministrisë së kulturës dhe kompanisë “Beton” nga Shtipi për kryerjen e punimeve ndërtimore në Muzeun e luftës maqedonase për shtetësi dhe pavarësi,  Muzeu i organizatës të brendshme maqedonase revolucionare dhe Muzeun e viktimave të regjimit komunist.

Punimet ndërtimore ndaj këtij objekti janë kryer pa u zbatuar furnizimi publik gjegjësisht dëshmitari, atëherë drejtori i “Beton” gojarisht është njoftuar nga personi udhëheqës nga Ministria e kulturës, që ka qenë anëtar në Komisionin për furnizime publike, se mund të vazhdohet me realizimin e punimeve ndërtimore dhe të mos priten 20 ditë që të zbatohet furnizimi publik.

“Beton Shtip” pa procedurë të zbatuar gjegjësisht pa furnizim publik, i ka realizuar punimet ndërtimore dhe kur është shpallur konkursi për furnizim publik, formalisht ka marrë pjesë në procedurë. Nga Ministria e kulturës deri tek “Beton” përfshirë 31 dhjetorin 2013, janë paguar 54.501.336 denarë” tha Fetai.

Pakon e aksioneve drejtuese në kompaninë ndërtimore “Beton” e kanë tre kompani, Shoqata e ndërtimtarisë “TIM”, podrumi i verës në Shtip “Ezimit” dhe “Orka Holding”.

Podrumi i verës në Shtip posedon 15,8%, “Orka Holding” 15% ndërsa më shumë apo 20,4% posedon shoqata e ndërtimtarisë “TIM” që lidhet me pronarin e “Lozar Pelisterka”.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.