Kontesti i emrit me Greqinë është çështje kryesore që Maqedonia me patjetër duhet ta zgjidh, sepse ai është problemi më i madh që pengon shtetin për anëtarësim në Bashkimin Evropian. Ky është përfundimi i përgjithshëm nga debati me temë “Proceset eurointegruese të Republikës së Maqedonisë nga këndvështrimi diplomatik”, të cilin e organizoi Lëvizja Evropiane në Republikën e Maqedonisë.
Prof. Dr. Dimitar Mirçev, ish ambasador i Republikës së Maqedonisë në Vatikan dhe në Slloveni, konsideron se BE-ja nuk është shumë e interesuar për ta zgjidhur kontestin me Greqinë.
– Mendoj se është shumë mirë që opinioni të kuptojë se anëtarësimi në Bashkimin Evropian nuk varet prej nesh, por se problem kryesor është kontesti i emrit me Greqinë, dhe atë se BE-ja nuk ka ndonjë disponim të madh për zgjidhjen e kësaj çështjeje- thotë Mirçev.
Ai shtoi se problemi qëndron edhe aty se përfaqësitë diplomatike nuk janë të pajisura sa duhet as me kuadër e as me mjete të mjaftueshme.
Gjithashtu, mendimin e tij e shpalosi edhe ish ambasadori dhe diplomati Risto Nikovski, i cili thyesoi se kontesti me emrin paraqet problem të madh edhe për marrëdhëniet ndëretnike, varfërinë dhe papunësinë, sepse është pengesë për të ecur para.
Ambasadori i Maqedonisë në Belgjikë, Muhamed Halili, thotë se Maqedonia mund të zhvillojë marrëdhënie shumë të mira me vendet anëtare të BE-së, nëse do ndihmë për proceset e eurointegrimit.
– Ajo që është e rëndësishme për të gjitha vendet anëtare të BE-së është se politika krijohet në kryeqendrat e vendeve anëtare, kurse finalizohet në Bruksel. Me rëndësi është të zhvillojmë marrëdhënie të fuqishme ekonomiko- politike me të gjitha vendet anëtare të Unionit, që t’i kemi në anën tonë dhe të na mbështesin në bisedimet me BE-në – thotë Halili.
Debatin e përmbylli drejtori i Qendrës Maqedonase për Bashkëpunim Ndërkombëtar, Aleksandar Krzhalovski i cili konsideron se nuk ka koordinimi ndërmjet Ministrisë së Punëve të Jashtme dhe organizatave civile, ku një pjesë e madhe kanë pjesëmarrje aktive në proceset e bashkëpunimit me institucionet ndërkombëtare.
Diplomatët vlerësuan: Kontesti i emrit është pengesa kryesore e proceseve eurointegruese
-