Seanca e sotme për procesin gjyqësor kundër kreut të LSDM-së dhe kryetarit të Strumicës, Zoran Zaev për rastin “Ryshfeti” sërish është anuluar.
Në gjykatë u paraqit Zaev, por nuk ishin pranishëm tre avokatët e tij. Dy prej tyre, Filip Medarski dhe Jakim Naumov, përmes përfaqësuesve të tyre të autorizuar njoftuan se për shkak të gjendjes shëndetësore nuk kanë mundur të vijnë në seancën e sotme ndërsa Vane Andreev është nisur për në Shkup, por se ka pësuar defekt në makinën e tij në Radovish.
Për seancën e radhës, gjykatësja Dijana Gruevska- Ilievska caktoi dy data, 2 dhe 20 dhjetor. Ndryshe, gjykatësja fillimisht e caktoi seancën e radhës për 2 dhjetor, por Zaev për shkak të fushatës zgjedhore, kërkoi që të anulohet.
