Речиси една недела по ескалацијата на воениот конфликт меѓу терористичката организација Хамас и Израел, македонските државјани кои беа затекнати во земјата денеска се евакуирани. Тие полетаа од главниот град на Израел, Тел Авив кон Скопје со авион на „Ер Србија”.
Покрај нив, во авионот има уште 43 патници кои се државјани на Србија и Црна Гора. Севкупно се евакуирани 133 лица. Авионот најпрво ќе следа во Скопје околу 15:15 по локално време, па потоа ќе продолжи до Белград.
Трошоците за оваа операција ќе бидат покриени од македонската влада, а вчера, на Фејсбук пост, премиерот Димитар Ковачевски најави дека им е обезбеден летот на граѓаните.
На видеото што го објави српската агенција Танјуг може да се види дека пред да полета авионот, на патниците им се обраќа српскиот амбасадор во Израел, Душан Вујовиќ. Потоа се слуша еден од патниците како извикува „живела Србија“.
