Во престрелка во која учествувале авганистанските безбедносни сили, но и германски и американски војници со непознати напаѓачи на аеродромот во Кабул, утрово е убиен еден авганистански војник, а тројца се ранети, пренесува „Дојче Веле“.
Според информацијата која Бундесверот (германската војка) ја објави на Твитер, престрелката се случила од 4:13 часот по локално време на северната порта на аеродромот, а нема повредени германски војници.
Heute Morgen um 04.13Uhr MESZ kam es am North Gate des Flughafens #Kabul zu einem Feuergefecht zwischen afghanischen Sicherheitskräften und unbekannten Angreifern. Eine afghanische Sicherheitskraft wurde dabei getötet, drei weitere verwundet. pic.twitter.com/4FLILE1NVA
— Bundeswehr im Einsatz (@Bw_Einsatz) August 23, 2021
На аеродромот во Кабул илјадници луѓе сѐ уште чекаат да заминат од Авганистан. Насекаде околу аеродромот владее хаос, постои голема загриженост поради опасност од напади. вгаОд аеродромот продолжуваат летовите со кои западните земји ги евакуираат од земјата своите државјани и локалните соработници, по преземањето на власта од страна на талибанците.
Германскиот Бундесвер во меѓувреме евакуираше преку 2.700 луѓе од Кабул, од кои преку 1.800 се Авганистанци.
