Грчката полиција употреби солзавец за да ги растера четириесетината студенти кои насилно се обиделе да влезат во Атинската правна школа.
Објектот на правната школа вчера беше затворен во знак на одбележување на годишнината од студентското востание на 17 ноември 1973 година против воената хунта.
Портпаролката на грчката влада соопшти дека нема да се дозволи владеење на „законот на џунглата“.
Секоја година, во чест на студентското востание, се организираат протести, кои прераснуваат во антивладини демонстрации.
