Годишната Нобелова награда за физиологија или медицина беше доделена на унгарската научничка Каталин Карико и американскиот научник Дру Вајсмен. Двајцата научници биле клучни во развивање на технологијата зад мРНК вакцините, технологија која беше основата на вакцините против ковид-19 развиени од Бионтек-Фајзер и Модерна, известува Би-би-си.
Пред ковид-19 пандемијата, мРНК технолгијата за вакцини беше експериментална и никогаш претходно не била искористена на масовното ниво на што беше искористена за време на пандемијата.
Од Комитетот за Нобеловата награда, како што пренесува Би-би-си, изјавиле: „Луреатите придонесоа за невидената стапка на развој на вакцини за време на една од најголемите закани за човековото здравје во модерното време“.
Watch the very moment the 2023 Nobel Prize in Physiology or Medicine to Katalin Karikó and Drew Weissman was announced.
Presented by Thomas Perlmann, Secretary-General of the Nobel Assembly.
See the full announcement here: https://t.co/KZSqC5qME4 #NobelPrize pic.twitter.com/hvBvR5mk2k
— The Nobel Prize (@NobelPrize) October 2, 2023
Карико вели дека се соочувала со потценување, па дури и од страна на колегите, поради нејзината посветеност кон мРНК технологијата, известува Ројтерс. Таа вели дека истражувања поврзани со ДНК и генетска терапија биле најатрактивни теми за научниците. Како последица на тоа, ретко се доделувале соодветни грантови за истражувања во областа на мРНК вакцините. Таа сè уште била исмевана кога во 2013-та година се придружила на тимот на Бионтек, бидејќи фирмата тогаш немала ниту своја веб-страница.
Други видови вакцини го изложуваат телото на ослабена верзија на вирусот или на дел од вирусот. Имуниот систем потоа учи како да се бори против тој вирус. мРНК вакцините, за разлика од нив, им ги даваат потребните „упатства“ на клетките за самите да го произведат соодветниот дел од ковид-19 вирусот против кој телото потоа може да научи како да се бори. Технологијата на мРНК вакцините овозможува многу побрзо да се развијат вакцините во споредба со други методи – нема потреба да се култивира на вирусот, потребен е само генетскиот код на вирусот. На пример, Модерна ја развиле својата вакцина против ковид-19 за само два дена, без да се смета периодот на тестирање на вакцината.
