fbpx

Бугарски медиум ги „помеша брзините“ – Македонија не ги зголеми сообраќајните казни

-

Пишувајќи за зголемувањето на сообраќајните казни во Бугарија, кое треба да се случи на 21 јануари, бугарската агенција „Блиц“, во рубриката за автомобилизам, пласираше една дезинформација за Македонија.

Имено, изнесувајќи ги износите за новите сообраќајни казни што ќе се изрекуваат во Бугарија за неполни две седмици, „Блиц“ пишува дека казните во текот на летото се зголемиле „во Грција, Северна Македонија, Црна Гора, Хрватска и Босна и Херцеговина“.

Со тоа агенцијата „ги помеша брзините“ – во Македонија казните за сообраќајните прекршоци не беа зголемени во текот на летото, туку тогаш беше најавено нивно намалување. Имено, тоагаш се правеа измени на Законот за прекршоци, а постапката за нивното намалување дефинитивно почна на крајот на октомври минатата година, кога владата го усвои предлог-законот за изменување и дополнување на Законот за безбедност на сообраќајот на патиштата, кој потоа влезе во собраниска процедура и се очекува да биде изгласан.

Во изминативе години во Македонија се направија неколку измени на Законот за безбедност на сообраќајот на патиштата, но ниту една (најмалку, пак, летово) не содржеше зголемување на сообраќајните казни како целост, а согласно со тоа, и она што „Блиц“ го пласираше е невистина.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

ДИК: Jавен увид и промени во избирачкиот список може да се прават до вечерва на полноќ

Апелираме до граѓаните дека јавниот увид во Избирачкиот список како и промена, запишување и бришење на податоци ќе може да се направи уште денес, 18 март, до 24 часот, соопшти...