!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Бројот на загинати во земјотресот во Иран се искачи на 440


Техеран, 14 ноември, 2017 - 13:09 (META) 

Десетици илјади Иранци кои мора да живеат во шатори или на отворено по катастрофалниот земјотрес во неделата, очајнички молат за помош. Земјотресот се случи блиску границата со Ирак, а засега бројката на загинати изнесува 440, а околу 7.000 лица се повредени.

Иако иранската влада прави напори да достави помош во најтешко погодената провинција Керманшах, тоа не е доволно, оти изминатата ноќ беше втората едноподруго со температури под нулата.

– Живееме во шатор и нема доволно храна и вода. Студи, децата плачат. Се залепуваат за родителите за да се стоплат – вели 42-годишниот Али Гулани од селото Каср е Ширин.

Околу 200 последователни земјотреси го погодија регионот откако во неделата вечерта се случи потресот од 7,3 степени по Рихтеровата скала.


Претпладне претежно сончево, попладне наоблачување


Скопје, 2 ноември, 2017 - 9:05 (META) 

Утрово во Македонија е регистрирана ниска температура, од минус 7 Целзиусови степени во Берово, минус 4 степени во Скопје до минус 1 Целзиусов степен во Гевгелија. Според Управата за хидрометеоролошки работи (УХМР), во Демиркаписко има појава на намалена видливост.

Во текот на денот времето ќе биде претежно сончево. Ќе дува слаб ветер од западен правец. Кон крајот на денот ќе има извесно зголемување на облачноста. Дневната температура ќе биде значително повисока од утринската и ќе се движи во распон од 12 до 19 Целзиусови степени. Во Скопје температурата ќе достигне 16 Целзиусови степени.

Утре ќе има зголемена облачност преку целиот ден, а во вечерните часови ќе има слаб локален дожд, особено на северозападот од земјава. За време на деновите од викендот ќе преовладува сончево време со умерена облачност и со температура во рамки на просекот за овој период од годината. В сабота ќе дува умерен северен ветер, гласи прогнозата на УХМР.