!Në periudhën që vijon, punojmë në vendosjen e sistemit për qasje dhe parapagesë. Për mënyrën e qasjes dhe parapagesës, do të njoftojnë në mënyrë plotësuese. Tekstet e “Meta” deri atëherë, janë të lira për marrje, por duke e treguar citimin nga ku është marrë lajmi.

Platforma e përbashkët e partive shqiptare në Maqedoni është hap historik, vlerësoi Rama


       
Tiranë, 8 Janar, 2017 - 16:58 (META) 

Kryeministri shqiptar Edi Rama përshëndeti dhe vlerësoi si historik platformën e publikuar dje të partive shqiptare në Maqedoni, BDI, Besa dhe Aleanca për shqiptarët, për bisedimet rreth formimit të qeverisë së Maqedonisë.

“Hap historik për shprehjen e vullnetit të shqiptarëve në Maqedoni. Për të drejtat e shqiptarëve e jo për bisedime për kolltuqe qeveritare”, shkroi Rama në faqen e tij në Facebook”.

Liderët e partive shqiptare në Maqedoni, pas zgjedhjeve të parakohshme parlamentare të 11 dhjetorit vitin e kaluar, dy herë ishin në bisedime me Ramën në Tiranë e më pas edhe me presidentin e Kosovës, Hashim Thaçin. Pas takimeve me Ramën dhe Thaçin, doli platforma e përbashkët e partive shqiptare që do të jetë bazë në bisedimet për formimin e Qeverisë së re.