Земјотрес од 2,7 степени според Рихтеровата локална магнитуда утрово бил почувствуван во Берово.
Како што соопшти Телеметриската сеизмолошка мрежа на Република Северна Македонија при Природно-математичкиот факултет (ПМФ) во Скопје, земјотресот се случил утрово во 9 часот и 53 минути, а епицентарот бил регистриран на 113 километри југоисточно од Скопје, кој потекнува од епицентралното подрачје Делчево-Берово.
Според податоците со кои засега располага опсерваторијата, земјотресот бил почувствуван од населението во Берово и околината со интензитет од три степени според Европската макросеизмичка скала.
Земјотресот го регистрираше и Европско-медитеранскиот сеизмолошки центар, кој повеќе информации сподели на Твитер.