Сончево и потопло ќе биде денеска во земјава, а во источните делови со мала до умерена облачност и со умерен до засилен северен ветер, вели прогнозата на Управата за хидрометеоролошки работи (УХМР).
УВ-индексот ќе биде 9.
Максималната температура ќе се движи од 22 Целзиусови степени на крајниот запад на земјата, еден степен повисоко во Малешевијата и во Пијанец, 25 степени во Крива Паланка, 26 степени во Охридско-струшкиот регион и 27 степени во Пелагонија.
Температурниот максимум во Скопје ќе биде 29 Целзиусови степени, со умерен ветер од северен правец.
Највисока температура ќе биде измерена во Гевгелиско-Дојранско, до 31 степен.
Според УХМР, утре ќе имаме слично време, со благ пораст на температурата.
