Три лица загинаа во тешка сообраќајка кај селото Зајас вечерва околу 19 часот. СВР Охрид потврди дека се работи за три помлади лица од околните села, пишува „Прес 24“.
Според неофицијални информации, автомобил „форд“ удрил во трактор, кој возел неосветлен.
АМСМ информираше дека сообраќајот на магистралниот пат Кичево – Скопје е во прекин, но потоа возилата се пропуштаа наизменично.
