„Бритиш ервејс“ откажа повеќе од сто лета поради густата магла што го зафати југоистокот на Англија.
Бројни летови од лондонскиот аеродром „Хитроу“ се откажани, а патниците се повикуваат да ги проверуваат информациите на интернет-страницата на аеродромот за да не дојде до конфузија и до непотребно создавање метеж.
Покрај „Бритиш ервејс“, и други компании биле принудени да ги откажат летовите од и кон „Хитроу“, бидејќи видливоста е речиси минимална. Ова е еден од најпрометните аеродроми во Европа. Меѓу компаниите што ги откажале своите летови се КЛМ, полската компанија „Лот“ и „Брасел ерлејнс“.
Освен летовите меѓу Велика Британија и Европа, откажани се и неколку прекуокеански летови, вклучувајќи ги тие од Чикаго.
