Ndërtim të pompës ekologjike të benzinës, me mbrojtje maksimale për qytetarët, propozon “Skopski Pazar” (Pazari i Shkupit) për tokën që tani gjendet tregu Bunjakovec. Në pjesën tjetër të truallit mund të ndërtohet treg modern i gjelbër, i cili në kushte dimri do të jetë i mbyllur ndërsa i hapur gjatë verës.
Parashihet ndërtim i një garazhi me parkim nëntokësorë dhe të depërtohet rruga prapa Bunjakovecit deri në bulevardin “Aradhat partizane”. Këtë sot kryetari i komunës Qendër, Andrej Zhernovski ua rekomandoi qytetarët të kësaj komune.
“Nëse nuk e pranoni këtë propozim, do të kërkohet tjetër. Ju vendosni se si do të duket kjo hapësirë. Nuk do të lejoj as ky e asnjë plan tjetër të miratohet në orët e hershme të mëngjesit, siç e bënte këtë kryesia e mëparshme. Debati publik, në vend të 10 ditëve që parashikon ligji, nëse ka nevojë do të zgjat 2 muaj” deklaroi Zhernovski në takim me banorët e Debar Mallo.
Kompetentët nga komuna iu kanë theksuar qytetarëve se pompa të këtilla të benzinës ka në çdo komunë të qytetit dhe se kjo nuk pengon askënd e as nuk paraqet rrezik ndaj shëndetit të tyre. Përzgjedhjen përfundimtare për dukjen e Debar Maallo do ta japin qytetarët gjatë debatit dymuajsh, e cila do të vijoj pas seancës së Këshillit më 1 korrik.