Komuna e Kumanovës hapi koll- qendër për qytetarët të cilët kanë nevojë për ndihmë. Të gjitha familjet që kanë nevojë për tu strehuar ose çfarëdo lloj ndihme tjetër, mund të telefonojnë në numrat e telefonit 031 475-830 dhe 475-800.
Kapacitet që do të shfrytëzohen për strehim do të jetë Shtëpia e nxënësit “Profesor Mijalkovq”, sallat sportive “11Oktomvri”, “Koço Racin” dhe “Hristijan Todorovski – Karposh” si edhe çerdhet.
Komuna e Kumanovës ka siguruar 2 milion denarë për nevojat e të zhvendosurve përkohësisht, banorëve të Lagjes së Trimave. Kryetari i Kumanovës, Zoran Damjanovski, njoftoi se shtabi i krizës ka vendosur shkollat të mos punojnë.
-Kriza e vitit 2001 nuk ishte asgjë krahasuar më këtë terrorizëm urban që u iu ndodhi qytetarëve të Kumanovës. Apeloj që qytetarët të vetëpërmbahen dhe ta ruajnë gjakftohtësinë- tha kryetari i Kumanovës Damjanovski.
