Rreth 1 orë e gjysmë ka zgjatur biseda informative e prokurores speciale Katica Janeva, para komisionit treanëtarësh të Këshillit të prokurorëve publik lidhur me largimin e dy prokurorëve nga ekipi i saj, pas çka shumë gjëra edhe më tej ngelin të papërgjigjura për opinionin ndërsa u paraqitën edhe tjera.
Janeva tha se ka deklaruar atë që nevojitet para Komisionit dhe se tani e ka radhën Këshilli të marrin vendim. Ajo shtoi se pas kësaj nuk do të flet më dhe se më shumë informacione do të prononcoj në konferencën shtypi, të cilën e paralajmëroi.
“Sot u prononcova lidhur me largimin e dy prokurorëve nga ekipi dhe e lë më tej Këshilli i prokurorëve publik të merr vendim. U shpjegova anëtarëve të komisionit se si kam vepruar në bazë të ligjit. Autonomia dihet si funksionon në këto raste, unë jam ajo që merr vendim se kush do të punoj në Prokurorinë speciale publike”.
Kryetari i Komisionit për verifikimin e relativitetit të deklaratave Sasho Vasilevski konfirmoi se janë marrë deklarata nga prokuroret Lejla Kadriu dhe Marija Gjorevska, si dhe nga prokurorja speciale Katica Janeva. Ai shtoi se deklaratat do t’i dorëzojë në Këshillin e Prokurorëve Publikë i cili në seancën e parë të ardhshme duhet të marrë vendim.
