Демонстрантите собрани пред Собранието, тргнаа кон Порта „Македонија“ каде што дел почнаа да фрлаат боја и јајца. Неколку граѓани се издвоија од толпата и почнаа со спреј да пишуваат на Портата.

Едно лице, кое според демонстрантите е провокатор, почна да ги удира тие што пишуваа, навлекувајќи го гневот на толпата на себе, но дел од редарите успеаја да го издвојат и да го тргнат настрана.

Граѓани, организирани од граѓанското движење „Протестирам“, протестот го почнаа пред Специјалното јавно обвинителство, продолжија кон Собрание, од каде што преку плоштадот се упатија кон Владата каде што во моментов протестираат.