Тим правници за санкции од Вашингтон е пристигнат во земјава и внимателно ќе ги анализира состојбите со корупцијата, соопшти амбасадорката на САД, Анџела Агелер на својот Твитер-профил.
Sanctions Team from Washington here to take a more aggressive look at past and current corrupt actors, and to consider all possible responses. North Macedonia’s justice sector needs more investigations, prosecutions to show that no one is above the law.
— Ambassador Angela Aggeler (@USAmbNMacedonia) December 6, 2022
„Тим за санкции од Вашингтон е тука за да направи поагресивен увид во актерите на корупцијата од минатото и сегашноста и да ги разгледа сите можни одговори. Правосудниот систем на Северна Македонија треба да спроведува повеќе истраги, прогони, за да покаже дека никој не е над законот“, напиша Агелер.
Случувањата во македонското правосудство во изминативе години предизвикаа бурни реакции со низа сомнежи и обвинувања од јавноста, но и од дипломатскиот кор во земјава, а меѓу најактуелните се изборот на првиот човек на Основното јавно обвинителство за гонење организиран криминал и корупција, но и случувањата со неговата претходничка Вилма Русковска.
