Фото: Мета.мк

Вчерашниот меч на машките фудбалски репрезентации на Северна Македонија и Бугарија заврши со негативен резултат за нашата репрезентација 0:1.

Во последниот натпревар во групата од Лигата на нации во која беше Македонија, Бугарија го даде победничкиот гол на почетокот на второто полувреме. Според проценките, натпреварот во живо го проследија околу 20.000 навивачи.

Пред почетокот на мечот, на исполнетиот Градски стадион „Тодор Проески“ во Скопје, публиката од трибините ги исвиркуваше имињата на бугарските фудбалери, а потоа со остри свирежи беше проследена и бугарската химна.

Поранешниот министер за спорт на Бугарија, Красен Кралев побара од Европската фудбалска федерација да ја казни Фудбалската федерација на Македонија поради свирежите при интонирањето на бугарската химна.