Лидерите од земјите на Западен Балкан вчера остварија средба со британскиот премиер Борис Џонсон и британската министерка за надворешни работи Лиз Трас. Официјален Лондон ја потврдил посветеноста на Обединетото Кралство кон регионот, додека лидерите се согласиле дека заеднички одговор е потребен како одговор на нападите врз Украина, напиша на Твитер амбасадорката на Обединетото Кралство во Скопје, Рејчел Галовеј.
UK Prime Minister @BorisJohnson & Foreign Minister @trussliz hosted Prime Minister of North Macedonia @DKovachevski & the Western Balkans leaders tonight in London to reaffirm UK’s commitment to this region & confirmed that a joint response to the attacks on Ukraine is needed. pic.twitter.com/4t6FXrfKaz
— Amb Rachel Galloway (@RGallowayUK) February 28, 2022
Премиерот Димитар Ковачевски по средбата со неговиот колега Борис Џонсон, на Твитер напиша дека Обединетото Кралство е наш сојузник во НАТО и наш стратешки партнер.
Обединетото Кралство е наш НАТО сојузник и стратешки партнер. Реформските процеси, енергетиката и инфраструктурата остануваат полиња каде британската поддршка е силна и постојана. pic.twitter.com/i9xm8OOL7h
— Dimitar Kovachevski (@DKovachevski) February 28, 2022
„Реформските процеси, енергетиката и инфраструктурата остануваат полиња каде британската поддршка е силна и постојана“, напиша премиерот Ковачевски.
При средбата со премиерот на Велика Британија, @BorisJohnson, уште еднаш ја потврдивме нашата поддршка за Украина и силната заложба за прекин на воените дејствија. pic.twitter.com/wAIU8Uk1Mx
— Dimitar Kovachevski (@DKovachevski) February 28, 2022
Тој додаде дека при средбата со Борис Џонсон, земјава уште еднаш ја потврдила поддршката за Украина и силната заложба за прекин на воените дејствија.
