Атина. Photo by Cristian Bagnarello from Pexels

Новинарот Јоргос Караиваз бил брутално убиени пред неговиот дом во јужна Атина во петокот, со 10 куршуми, а според грчкиот заменик-министер за цивилна заштита, Лефтерис Иконому, веројатно зад убиството стојат припадници на организираниот криминал.

Говорејќи на грчата државна телевизија ЕРТ, Иконому сугерираше дека постои врска меѓу убиството и организираниот криминал, потсетувајќи дека во изминатите три години имало неколку најверојатно нарачани убиства, што говори за отворена војна меѓу ривалски банди. Но сепак, посочи тој, прерано е да се зборува за мотивите за убиството на телевизискиот новинар Караиваз, пренесува „ЕКатимерини“.

При обдукцијата на телото, биле пронајдени шест куршуми во градите, два во главата и по еден во вратот и во левата дланка. Караиваз бил застрелан од двајца мажи на мотор, најверојатно скутер. Убиецот пукал уште додека бил на моторот, а потоа се симнал и се приближил до жртвата пред да го испука последниот куршум. Убиството го виделе најмалку двајца сведоци.

Караиваз долго време известувал за криминалот.

Според Меѓународната федерација на новинари (IFJ), во текот на 2020 година во светот биле убиени 42 новинари и медиумски работници.