Фото-вест: Зад Универзална сала во Скопје отворено детско игралиште со руска тематика

-

Детско игралиште со руска тематика изникна зад Универзалната сала во центарот на Скопје во текот на предизборната кампања пред локалните избори во земјава. Игралиштето, на кое треба да си играат деца од околните згради, е со подлога – мапа на Руската Федерација и испишано е името на државата „Русија“ на руски јазик. Градоначалникот на општина Центар, Саша Богдановиќ ја најави изградбата на детското игралиште на Фејсбук кон крајот на септември годинава, но не сподели детали околу тематиката.

Во текот на изминативе денови беше поставена и ограда на игралиштето, која што се состои од имињата на најголемите руски градови, заедно со грбот на секој град. Меѓу имињата на градовите вметнат е и Севастопољ, град лоциран на полуостровот Крим, којшто Руската Федерација го анексираше од Украина, за што во моментов се води жесток спор меѓу двете земји. Инаку, како земја-членка на НАТО, Северна Македонија во изминатиов период недвосмислено го поддржуваше територијалниот интегритет на Украина.

Општина Центар без преголема помпа ја најави изградбата на ова детско игралиште. Градоначалникот Саша Богдановиќ на 27 септември кратко објави на Фејсбук дека привршуваат градежните работи на детското игралиште зад Универзалната сала, на улицата „Владимир Полежиноски“.

„Игралиштето добива нови квалитетни детски реквизити, подна подлога, ново зеленило, како и клупи и канти за отпадоци“, напиша на Фејсбук Богдановиќ, без притоа да го наведе идниот руски „амбиент“ на игралиштето.

Инаку, на само 50-тина метри од детското игралиште, во 2020 година Руската амбасада во Скопје, во соработка со Општина Центар, изгради спомен-обележје во чест на Денот на победата над фашизмот и 75-годишнината од завршувањето на Втората светска војна.

Поништена набавката за софтверот што требаше да ги оценува медиумските објави како позитивни, негативни или неутрални

Службата за општи и заеднички работи на Владата ја поништи постапката за набавка на софтвер за оцена на медиумското влијание и за конверзија на говор во текст на македонски јазик „on...

Европскиот суд за човекови права го одобри барањето на ЦРТА за привремена мерка во случајот со звучно оружје

Европскиот суд за човекови права (совет од седум судии) на 29 април 2025 година одлучи делумно да го одобри барањето поднесено од страна на ЦРТА и низа граѓански организации, за воведување...

Музичарот „Моби“ дава 500 песни бесплатно за користење на фановите за креативна употреба

Myзичарот „Моби“ (Moby) познат по неговата електронска музика направи 500 негови песни да бидат бепсплатни за симнување и користење. Ова значи дека песните можат да се симнат, преработуваат и да се...

Љупчо Коцевски денеска оствари средба со Амбасадорот на Република Франција

Јавниот обвинител на Република Северна Македонија Љупчо Коцевски денеска оствари средба со Амбасадорот на Република Франција Кристоф Ле Риголер, со кого разговараше за состојбите во јавното обвинителство и за француската поддршка...

Поништена набавката за софтверот што требаше да ги оценува медиумските објави како позитивни, негативни или неутрални

Службата за општи и заеднички работи на Владата ја поништи постапката за набавка на софтвер за оцена на медиумското влијание и за конверзија на говор во текст на македонски...