Во ракетен напад во саботата, кој погоди фудбалско игралиште на Голанската висорамнина под контрола на Израел, загинаа најмалку 11 деца и тинејџери, соопштија израелските власти. Израел го обвини Хезболах за нападот, но Хезболах побрза да негира каква било улога. Нападот ги зголеми стравувањата од поширока регионална војна на Блискиот Исток, соопшти Асошејтед прес.
Ова е најсмртоносниот напад врз израелска цел долж северната граница на земјата од борбите меѓу Израел и либанските милитант кои ги започна групата Хезболах. Тоа ги зголеми стравувањата од поширока регионална војна.
Израел го обвини Хезболах за нападот во Голанската висорамнина под контрола на Израел, но Хезболах побрза да негира каква било улога. Израелскиот премиер Бенјамин Нетанјаху предупреди дека Хезболах „ќе плати висока цена за овој напад, цена што досега не ја платил“.
Главниот портпарол на израелската војска, Даниел Хагари, го нарече најсмртоносниот напад врз израелските цивили од нападот на Хамас на 7 октомври што ја предизвика војната во Газа. Тој рече дека 20 други се ранети.
„Нема сомнеж дека Хезболах ги надмина сите црвени линии овде и одговорот ќе го одрази тоа“, изјави израелскиот министер за надворешни работи Израел Кац за израелскиот Канал 12. „Се приближуваме до моментот во кој се соочуваме со сеопфатна војна“.
Портпаролот на Хезболах, Мохамед Афиф, изјави за Асошиетед прес дека групата „категорично негира дека извршила напад врз Мајдал Шамс“. Невообичаено е Хезболах да негира напад.
