Властите на американскиот град Сан Бернардино ја идентификуваа двојката што уби најмалку 14 лица во пукањето во зградата на регионалниот центар „Инленд“, како Сајед Ризван Фарук (28) и Ташфин Малик (27).
Шефот на полицијата во калифорнискиот град, Џарод Берган, рече дека Фарук е роден во САД и дека бил административен работник во центарот „Инленд“.
Напаѓачите биле гости на забава во центарот, кој во еден момент го напуштиле, а потоа се вратиле и отвориле оган.
Берган изјави дека не е познат мотивот на нападот. Напаѓачите, кои биле во брак или биле свршени, се убиени во акцијата на полицијата.