Анализа: 70 проценти од возилата на Противпожарните единици се од минатиот век


Скопје, 11 февруари, 2019 - 11:00 (META) 

Противпожарните единици располагаат со само 220 возила, притоа, овде спаѓаат не само цистерните и возилата за гасење пожар, туку и сите други возила на противпожарните екипи, откива базата на податоци за возилата на сите 30 територијални противпожарни единици во земјава, изработена од Центарот за граѓански комуникации (ЦГК).

Просечната старост на овие возила е 27 години и дури 154 од 220 возила (70 отсто) се произведени во минатиот век.

„За споредба, министерствата и општините имаат на располагање 2.645 патнички возила, што значи дека на секое 12-то патничко возило доаѓа по едно специјално противпожарно возило. Кај патничките возила има обратна ситуација, односно само 29 проценти се од минатиот век, а 71 проценти се купени во новиот милениум. Наспроти 27-те години на противпожарните возила, патничките просечно се стари 12,5 години“, се вели во анализата.

Возилата на Кратово се најстари – со просечна старост од 39 години, додека најмладиот возен парк го има Велес – со просечна старост од 18 години. Покрај Кратово, просечната старост поголема од 30 години имаат и возилата на противпожарните единици во Битола, Гевгелија, Крива Паланка, Крушево, Охрид, Свети Николе, Струга и Струмица.


Почина најстарата жена на светот, шест дена откако ја освои титулата


Арканзас, 7 април, 2015 - 11:14 (META) 

Американката Гертруд Вивер шест дена ја носеше титулата најстара жена на светот, откако минатата недела почина 117-годишната Мисао Окава.

Вивер почина синоќа како последица на воспаление на белите дробови во здравствениот центар во Арканзас, а освен тоа што кратко време беше најстарата жена на светот, таа беше и најстарата Американка. Таа својот 117. роденден требаше да го прослави на 7 јули, а на прославата беше поканет и американскиот претседател Барак Обама.

Администраторот на старечкиот центар во кој живеела Гертруд, за медиумите изјави дека Вивер била воодушевена од вниманието што последните денови го добивала како најстаро лице на светот.

По Вивер, титулата најстара жена на светот ја презеде уште една Американка, 115-годишната Џералин Тали.