Прскање против комарци во Скопје в сабота и в понеделник


Скопје, 12 јули, 2018 - 17:00 (META) 

Град Скопје соопшти дека в сабота во раните утрински часови на подрачјето на Скопје, ќе се врши авионско прскање против ларви од комарци.

В понеделник пак, во текот на денот ќе се врши прскање од земја.

Доколку условите не дозволуваат прскање в сабота и в понеделник, тоа ќе се изврши во првиот погоден ден, во истите термини.

Од Град Скопје ги предупредуваат пчеларите навреме да ги заштитат своите пчели.


Во Општина Штип утре прскање од земја против комарци


Штип, 25 април, 2018 - 11:03 (META) 

Општина Штип соопшти дека утре на територијата на општината ќе се изврши прскање од земја против комарци.

Зафатот ќе се врши од 9 до 14 часот, а средството против ларви од комарци ќе се распркува секаде каде што има застојани води на територијата на градот и на други локации на територијата на општината.

Во случај на ветер или дожд, дезинсекцијата ќе се изврши во првиот следен ден во кој ќе има поволни услови за тоа.


Второ прскање против комарци


Скопје, 14 јуни, 2016 - 9:58 (META) 

Второто авионско прскање против ларви од комарци ќе се реализира в четврток, од 6 до 12 часот, и притоа ќе бидат опфатени сите мочуришта, канали и водни површини во градот Скопје и во неговата околина, како и текот на реката Вардар, информираат од Град Скопје.

Втората терестрична дезинсекција ќе се случи в понеделник, од 9 до 17 часот, и ќе бидат опфатени сите водни површини во градот Скопје, канали, езера во Градски парк, езеро Треска и по текот на реката Вардар.

Доколку временските услови не го дозволуваат вршењето на аеросолната дезинсекција, авионската дезинсекцијата против ларви од комарци ќе се изврши првиот нареден ден, кога временските услови ќе бидат поволни, во истиот термин, а во согласност со тоа ќе се извршува и соодветната терестрична дезинсекција.

Град Скопје ги известува пчеларите навремено да ги преземат потребните мерки за заштита на пчелите.