Претседателот на Обединети за Македонија, Љубе Бошкоски, ја прославува слободата во неговото родно село Челопек. Фотографијата е снимена во атарот на црквата „Свети Никола“, пренесе „Сакам да кажам“.
Љубе Бошкоски замоли да не биде вознемируван од медиумите и засега ќе се воздржи од изјави за јавноста.
На ручекот во дворот на црквата се дојдени 60 претседатели на општинските комитети на неговата партија од цела Македонија. Во Челопек се и бројни роднини и пријатели на Љубе.
Љубе Бошковски, кој издржуваше затворска казна пет години, вчера беше пуштен од затворот во Идризово.
Тој беше уапсен на 5 јуни 2011 година, пред ресторанот „Воденица“ во Скопје, со обвинение за незаконско финансирање на предизборната кампања. Беше осуден на пет години затвор.
