Директните летови меѓу Украина и Русија ќе бидат прекинати од полноќ, бидејќи стапуваат на сила санкциите што ги воведе украинската влада кон Русија. Властите во Москва најавија реципрочни мерки.
На овој начин, ќе бидат засегнати 70.000 патници. Санкциите се воведени за да се казни Русија за анексијата на Крим, како и поради поддршката што им ја дава на вооружените бунтовници на истокот на Украина.
Русија истакнува дека со овој потег Украина ќе си направи штета себеси, бидејќи најголем дел од патниците се Украинци кои патуваат на работа во Русија, ги посетуваат роднините или транзитираат.
